ఒకే రోజు ఆరు బంగారు పతకాలు..
మరో 2 రజతాలు, 2 కాంస్యాలు • 76 పతకాలతో ఐదో స్థానానికి భారత్‌
హైదరాబాద్ అక్టోబర్ 03 ద్రోణ:- భారత క్రీడా రంగానికి పతకాల పండుగగా మారింది. వివిధ క్రీడాంశాలలో భారత అథ్లెట్లు సత్తా చాటుతూ ఒకే రోజు ఆరు బంగారు పతకాలను ఖాతాలో వేసుకున్నారు. వీటికి అదనంగా రెండు రజతాలు, రెండు కాంస్య పతకాలు సాధించడంతో భారత పతకాల సంఖ్య 76కు చేరింది. దీంతో పతకాల పట్టికలో భారత్‌ ఐదో స్థానానికి దూసుకెళ్లింది. రెజ్లింగ్‌లో సుజీత్‌ అద్భుత ప్రదర్శనతో పసిడి పతకం సాధించి భారత్‌కు స్వర్ణాన్ని అందించాడు. బాక్సింగ్‌లో లవ్లీనా బోర్గోహెయిన్‌, పర్వీన్‌, అంకుశ్‌ ప్రత్యర్థులపై ఆధిపత్యం ప్రదర్శించి బంగారు పతకాలను కొల్లగొట్టారు. మహిళల హాకీ జట్టు కూడా చరిత్ర సృష్టించింది. 44 ఏళ్ల తర్వాత మహిళల హాకీలో భారత్‌కు స్వర్ణ పతకం లభించడంతో క్రీడాభిమానుల్లో ఆనందం వెల్లివిరిసింది. ఆర్చరీలో మహిళల రికర్వ్‌ టీమ్‌ కూడా లక్ష్యాన్ని గురి తప్పకుండా ఛేదించి స్వర్ణ పతకాన్ని సాధించింది. ఒకే రోజు ఆరు స్వర్ణాలు రావడంతో భారత శిబిరంలో ఉత్సాహం నెలకొంది. వివిధ క్రీడల లో అథ్లెట్ల నిలకడైన ప్రదర్శనతో భారత్‌ పతకాల పట్టికలో తన స్థానాన్ని మరింత మెరుగుపరుచుకుంది.