బంగారు పతకం, ప్రశంసాపత్రంతో పాటు
భారీ నగదు పురస్కారం..
ఒకరి కంటే ఎక్కువ మంది
ఎంపికైతే నిబంధనల ప్రకారం పంపిణీ
హైదరాబాద్, అక్టోబర్ 10(ద్రోణ):- ప్రపంచంలోనే అత్యంత ప్రతిష్ఠాత్మక పురస్కారాల లో ఒక టైన నోబెల్ బహుమతిని గెలుచుకున్న విజేతలకు బంగారు పతకం, ప్రశంసాపత్రంతో పాటు భారీ నగదు పురస్కారం అందజేస్తారు. నోబెల్ బహుమతి కింద 12 మిలియన్ల స్వీడిష్ క్రోనార్ (SEK) నగదు బహుమతిని ప్రకటిస్తారు. భారత కరెన్సీలో ఇది సుమారు రూ.11.52 కోట్లకు సమానం. అయితే, మారకపు విలువలో మార్పులను బట్టి రూపాయల లో ఈ మొత్తం మారవచ్చు. నోబెల్ విజేతలకు అందించే పతకాలు బంగారంతో రూపొందిస్తారు. వీటిపై 24 క్యారెట్ల బంగారు పూత ఉంటుంది. పతకంతో పాటు విజేతలకు అధికారిక ప్రశంసాపత్రాన్ని కూడా అందజేస్తారు. ఒక విభాగంలో ఒకరి కంటే ఎక్కువ మంది విజేతలుగా ఎంపికైనప్పుడు నగదు బహుమతిని నోబెల్ ఫౌండేషన్ నిబంధనల ప్రకారం పంచుతారు. విజేతల సంఖ్యను బట్టి, బహుమతి మొత్తాన్ని సమానంగా లేదా నిర్ణయించిన వాటాల ప్రకారం పంపిణీ చేస్తారు. శాస్త్ర, సాహిత్య, ఆర్థిక, శాంతి రంగాల్లో విశేష కృషి చేసిన వారికి అందించే ఈ పురస్కారం ప్రపంచవ్యాప్తంగా గుర్తింపు పొందింది. విజేతలకు లభించే నగదు బహుమతితో పాటు, వారి పరిశోధనలు, ఆవిష్కరణలు, సేవలకు లభించే అంతర్జాతీయ గుర్తింపు కూడా నోబెల్ పురస్కారాల ప్రత్యేకతగా నిలుస్తుంది.