ద్రోణ న్యూఢిల్లీ
అమెరికా అధ్యక్ష ఎన్నికలు పోటీ నుంచి వైదొలగిన బైడెన్ కమలా హారిస్ కు మద్దతు.
అమెరికా అధ్యక్ష పదవి రేసు నుంచి జో బైడెన్ తప్పుకొన్నారు. డెమొక్రటిక్ పార్టీ అభ్యర్థిగా రెండోసారి అధ్యక్ష ఎన్నికల్లో పోటీ పడాలనుకున్నప్పటికీ వైదొలగక తప్పని పరిస్థితులు ఏర్పడ్డాయి.బైడెన్ అభ్యర్థిత్వంపై సొంత పార్టీలో వ్యతిరేకత, ట్రంప్తో డిబేట్ సమయంలో తడబడడం, ఆ తరువాత కూడా ఆయన సామర్థ్యాలపై అనుమానాలు కొనసాగుతుండడంతో ఆయన పోటీ నుంచి తప్పుకున్నారు.
ఈ మేరకు ఆదివారం ఆయన దేశ ప్రజలకు, పార్టీ సభ్యులకు రాసిన లేఖలో దేశ ప్రయోజనాల కోసం అధ్యక్ష ఎన్నికల్లో పోటీ నుంచి వైదొలుగుతున్నట్లు ప్రకటించారు.అనంతరం, ప్రస్తుత ఉపాధ్యక్షురాలు కమలా హారిస్ అభ్యర్థిత్వానికి మద్దతిస్తూ సోషల్ మీడియాలో పోస్ట్ చేశారు.
